【報紙】Big Four情人節開唱

* 編按:
我不可能忘記這一天，這是我第一次錯過的機會! 當時我身在尖沙咀，只不過是一街之隔....

日期: 2012年11月27日
來源: 都市日報

Big Four情人節開唱  健仔大爆有驚喜

由許志安、張衛健、蘇永康及梁漢文組成的組合Big Four，將於農曆新年舉行一連五場演唱會。昨日舉行記者會時，四子特地以醒獅隊姿態進場，配合新年的氣氛。適逢演唱會尾場為情人節，健仔就大爆到時會有驚喜，有人會求婚或離婚，叫人拭目以待。唔通係安仔想當眾求婚？

Big Four 四子將於農曆初一至初五舉行「The Big Four 大家利事巡迴演唱會」，昨日四人就以醒獅隊的打扮出席記者會， 安仔與梁漢文扮大頭佛，健仔與康仔則捧着獅頭，騎膊馬進場，但兩人入場時左搖右擺，差點墜下，而健仔舞獅後更不停喘氣，表示各人為今次的舞獅練習一整晚，更大讚自己舞得好：「一隻獅好生猛，另一隻係病君，蘇永康似舞豬多啲！」

四人以Big Four舞獅隊登場。

蘇永康苦練舞獅表演，卻慘被笑似舞豬。

適逢演唱會尾場為情人節，安仔坦言未知鄭秀文會否出席，他說：「她有時間會到，但唔知是否要工作。」健仔立即笑問：「記者問你係咪求婚呀？」安仔笑指記者不會問，避開問題。健仔隨即鬼馬地表示，預言到演唱會中會有大事發生：「一係有人求婚，一係就離婚，好快會揭盅。」難道是爆料安仔會求婚？安仔立即轉移視線：「咁就2月14號離婚啦！」

============================================================