【報紙】張茜當街餵健仔甜到漏

* 編按:
茜頭上的帽子有貓耳朵! 好可愛呀~~~

日期: 2012年11月14日
來源: 蘋果日報

張茜當街餵健仔甜到漏

【中環置地】張衞健（Dicky）太太張茜早幾年不幸小產，好在佢兩公婆一早已經走出陰霾，依家兩公婆繼續努力造人，希望可以生番個肥肥白白嘅BB。

Dicky無論工作幾忙，都會抽時間陪張茜，好似前日記者就見佢兩公婆孖住去中環行街掃貨，兩個人唔單止拖手仔，而且張茜重主動餵老公食朱古力，好似新婚夫婦咁甜蜜。

【今日我至冧】結婚3年都好似新婚咁，張茜當眾餵健仔食朱古力，除咗甜之外，仲冧爆㖭！

乜都睇一餐

前日下晝5點半，帶住冷帽嘅Dicky同帶住帽嘅張茜一齊喺中環行街，Dicky手指指同張茜講嘢，記者差啲俾佢插中隻眼㖭！

【黐住shopping】

兩公婆拖住手逐間舖頭巡，又時裝又首飾又手袋皮鞋，似乎好耐冇濕平咁款。之後佢哋入咗去置地一間時裝店左揀右揀，逗留咗半粒鐘之後終於有收穫。

【各自揀衫】

買完衫之後，佢哋行去一間朱古力店排隊買朱古力，張茜自己食之餘都有餵老公食，真係好鬼sweet。

【邊行邊食】

冇幾耐佢哋發現記者影相，仲好大方咁揮手打招呼，然後繼續shopping。

採訪、攝影：吳耀輝