來源: 蘋果日報
張衛健預言 安仔情人節求婚
張衛健、梁漢文、許志安同蘇永康組成嘅Big4會於農曆年喺紅館開演唱會，噚日 (25日) 喺尖沙嘴舉行記者會。安仔同梁漢文扮大頭彿，帶住扮醒獅嘅張衛健同蘇永康進場。舞完獅後，健仔上氣唔接下氣，上到台仲喘緊氣，講唔到嘢。
舞獅進場，夠新鮮！
舞得唔錯啵，不過轉個頭健仔氣都喘埋！
安仔同梁漢文做大頭佛，好得意！
最後一場會喺2月14情人節舉行，問佢哋嘅另一半會唔會出現？健仔、梁漢文同康仔都話梗係會，咁安仔女友鄭秀文呢？安仔就話：「唔使做嘢咪嚟囉。」健仔搶住講笑話：「下一個問題係咪問會唔會求婚呢？我依家預言，到時唔係有人求婚就係離婚﹗」唔係嘛，咁大鑊？
健仔預言出年演唱會唔係有人求婚就係離婚，安仔即刻大笑，係咪十拿九穩先？
沒有留言:
發佈留言