【雜誌】張衞健姣過老婆

日期: 2012年11月22日
來源: 壹週刊，第1185期，「同你吟一吟」

張衞健姣過老婆

嚟緊農曆年 Big Four又開演唱會，開始做宣傳谷飛，要出活動要見記者，當然要入定幾套靚衫看門口。上個禮拜四（十一月十五日），就係海港城撞見Dicky張衛健同老婆張茜一齊睇衫。

行街shopping, 通常女人最影失控，同老公著埋全黑情侶裝的張茜，定力十足，瘋狂試衫左襯右襯個個反而係Dicky，特別係入到Jean Paul Gaultier，見到櫥窗公仔件毛毛背心，二話不說要店員除落黎俾佢試，之後再嗌老婆過來幫幫眼。

Big Four四子每次合體，打扮會分外浮誇， Dicky一於姣到底，叫店員攞件毛毛背心俾佢試，試完上身再放响枱面鋪平睇真啲。

價錢唔係問題，Dicky揀衫重點係要同阿公蘇永康抗衡，鬥姣鬥誇！第二日（十六日），又再係中環見到張茜一個人係做緊減價、走簡約路線的Initial睇衫，不過最後都係忍手冇買。家有慳儉賢妻，Dicky家山有福！

陪買 - 衫多眼亂睇到皺眉，老婆張茜一直陪實幫眼唔幫口，等老公自己話事！

再試另一套，女店員跪地幫佢整衫。

Dicky都有陪老婆睇女人衫，雖然見到靚衫笑晒口，但張茜一件都冇買。

齋摸 - 自己一個行街，張茜唔使配合老公浮誇衣著，打扮樸素去睇減價衫。