【報紙】 張衛健無懼女友呷醋

日期: 2000年5月28日
來源: 太陽報

張衛健無懼女友呷醋

昨日張衛健與女友張茜，聯同朱茵和陳法蓉為新劇《小寶與康熙》宣傳，張衛健盛讚此劇乃他自《西遊記》及《方世玉》後最滿意之作，雖然不敢自誇比梁朝偉演「韋小寶」更出色，但相信能給觀眾帶來驚喜。

早前有傳聞指拍《小》劇期間，張茜經常呷林心如醋，對此張衛健笑說：「佢個個都會問，有排我同朱茵多對手戲就話『朱茵好靚喎。』（咁你點答？）係呀，朱茵好靚呀，唔係點做一線女主角。」他又表示，若要他回答張茜說「你傻啦，我淨係愛你一個」這些纏綿說話，他就說不出口。

另一邊廂，張茜卻否認呷醋說：「邊有佢講到咁嚴重喎，佢都唔畀我拍Kiss戲啦。不過自從我
同佢拍過Kiss戲，真係冇再拍過，但係如果劇情需要，我都會照拍。」