【報紙】食老本做破戒和尚

日期: 2001年7月9日
來源: 星島日報

張衛健食老本做破戒和尚

亞視《 百萬富翁》一出搞到無線陣腳大亂， 要拿拿臨變陣推出收視皇牌張衛健主演的《機靈小子》來收服失地。雖然做主角的張衛健拍曬心口， 有信心保證， 不過羅家英就倒米， 話全劇演員只得他二人為香港觀眾熟悉， 所以不寄以厚望。究竟《機靈小子》有甚麼把炮可以令無線委於重任， 打正旗號同《 百萬富翁》對撼?! 原來張衛健再食老本行， 除了賣親情、 玩鬼馬外， 再利用這位不懂和尚的嫖、 賭、 飲來博出位!!

劇中張衛健飾演的不懂和尚雖然只係廟中雜務一名， 但係佢就極鍾意食肉、 飲酒同賭錢， 而且在故事尾段仲破埋色戒， 溝埋學生籽言之餘， 仲帶埋皇帝去妓院見識一番， 真係唔知宗教團體會話佢破壞和尚形象呢？