【報紙】張衛健媽媽靠星蹤見仔

日期: 2001年9月19日
來源: 星島日報

張衛健媽媽靠星蹤見仔

有時，打開報紙見到星蹤，黎八都有個疑問？有用咩？有人真係會睇咩？原來黎八係錯嘅，星蹤真係有用，起碼對於張衛健媽媽嚟講。

係人都知張衛健好紅，經常中港台穿梭，今日喺北京，明日好可能已經去咗台灣，然後又飛咗去新加坡，好可能又會留係香港，好似前日，健仔就去咗中山做個唱，所以張媽媽真係唔知個仔喺邊？

黎八聽人講，張媽媽為咗見個仔一面，就留意各大報章嘅星蹤，一見到有張衛健個名，起碼知佢落咗嚟香港，可以去現場望吓個仔，你話星蹤係咪有用？