【報紙】張衛健取笑梁漢文

日期: 2001年9月29日
來源: 東方日報

梁漢文接取笑電話

梁漢文昨日接受電台節目「茶煲的查篤撐」電話訪問，說他的心愛保時捷跑車已從財務公司的車場取回，他講到當日情況時坦言：「好心痛，當時已同佢話可唔可以開支票俾佢，但佢都話唔得，因為出了拖車紙一定要拖，其實架車差唔多供完，仲有幾個月。」他解釋因為搬屋連電話都改了，之前已叫工人轉地址，可能工人忘記了，搞出今次誤會。

問到他經濟可有問題？漢文笑謂：「冇問題唔使擔心，雖然大圍經濟唔好，但都冇乜問題。」他更笑言報道出街後，收到張衛健的電話取笑他：「層樓有冇俾人拖走埋呀！」至於助手幫他取回跑車都有驗清楚，發現車頭的包圍鬆脫了。問到可會要求賠償？漢文說：「會研究睇點處理。」問到他前日開甚麼秘密會議？梁漢文謂：「係傾唱片合約事，都好順利，希望去拍《齊天大聖孫悟空》之前有結果。」而戲中他演唐三藏，十月四日由健仔操刀幫他剃頭，預計要拍到明年二月。