【報紙】傳內地拍劇染SARS 張衛健急澄清

日期: 2003年5月3日
來源: 太陽報

傳內地拍劇染SARS  張衛健急澄清: 大吉利是！

張衛健早前在內地拍劇被誤傳患上非典型肺炎，引起軒然大波，他昨日為劇集《功夫足球》試造型時，急不及待澄清：「真係大吉利是！」

張衛健早前在橫店拍攝電視劇《天下無雙》，因患上感冒而誤傳他患上非典型肺炎，因而令整個劇組停工，事件更在上海某電視台的娛樂新聞中報道。

健仔年輕時曾想當足球員，但因高度問題而放棄。

對此健仔昨日為新劇《功夫足球》試造型時說：「真係大吉利是！我唔係驚，我知自己健康好好，但依家咁既社會風氣，唔好發放唔係真既無謂消息。」健仔說時即叫細佬兼經理人Henry在其全亞洲網站內澄清。

健仔在《功》劇中飾演足球員，原來他一生人况有三個志願，幼時想做神父，到十多歲時發現女仔很可愛，但做神父不能拍拖，所以打消了這個念頭。

生得矮冇得守龍門

健仔原本有機會成為足球員，他說：「我當時參加南華暑假訓練班，俾亞洲鋼門仇志強簕徒弟睇中，後來領隊同我講做龍門冇六呎都要五呎十一，睇你兩年都冇乜希望，結果叫我唔使去。」至於第三個志願當然就是做演員。

昨日試造型的還有李彩樺、何超儀及杜汶澤，李彩樺在戲中要唱鄧麗君的歌搞笑，而對足球全沒認識的她，希望能夠學懂一招半式。