【報紙】張衞健渡海小輪求婚最難忘 (節錄)

日期: 2020年9月19日
來源: 東方日報

出奇招抱得美人歸！張衞健渡海小輪求婚最難忘

求婚點樣先可以成功，相信都係每個男士煩惱嘅問題，要有驚喜同表現出誠意，令到另一半Say Yes，認真唔容易㗎！

張衞健 張茜

藝人張衞健當年為張茜製做咗一個，非常難忘嘅求婚，張衞健趁住夕陽時分，同張茜坐渡海小輪過海，喺維港中央同張茜求婚，但係嗰陣放工時間成架船爆晒人，將戒指放咗喺褲袋嘅張衞健，只好捉住張茜隻手入褲袋摷隻戒指，再套落佢隻手指度，咁樣求婚成功，張衞健都話真係一個Sweet Memory！

張衞健喺渡海小輪同張茜求婚。

張衞健話嗰陣成架船爆晒人。

點會唔難忘呀！