【報紙】朋友有兩種

日期: 2002年9月12日
來源: 星島日報

朋友有兩種

有人話娛樂圈好難有真朋友? 好似古天樂，近日自稱被朋友出賣，在辣子眼中，朋友只得兩種，一種係酒肉朋友，吃喝玩樂；另一種係交心朋友，可以甘苦與共，有褔同享。不過，唔係個個咁好彩，可以識到真正簕朋友，安雅就係其中例子，自從佢係台灣出事後，有唔少朋友離佢而去，講真娛樂圈本身就係咁現實，你當紅就大把人走埋來，見你落泊仲唔走咩！呢種情況真係見慣不怪，不過，唯一慶幸係你可以睇清楚呢種係咩朋友？

反而辣子欣賞蘇永康身邊的一班朋友，好似許志安、張衛健等，好似之前梁漢文欠人錢，Dicky同安仔都暗地幫佢還錢，到後來康仔台灣出事，個個都企出來幫佢講好說話，呢種先叫係朋友，如果有幸遇到這種朋友，希望大家會珍惜，唔係人人都咁好彩！