【報紙】張衛健經理人約掀爭奪戰

日期: 2005年2月25日
來源: 太陽報

張衛健經理人約掀爭奪戰

張衛健（Dicky）就快約滿M8，好多經理人公司都爭住揾佢加盟，有啲仲出動銀彈政策，以千萬身價兼全球性分紅利誘健仔，但依家佢仲繫心大心細。雖然未有結果，不過諸事姐打聽到，健仔同寰宇老闆林小明夫婦關係好好，所以優先考慮都唔出奇嘅！

好似之前健仔去美國賭城拉斯韋加斯旅行過年，就約埋林小明夫婦一齊，感情不知幾好！系賭城玩嘅期間，佢哋仲會約埋系當地登台嘅羅嘉良同李彩華，齊齊去賭場玩餐飽，個個都做咗大贏家發新年財，李彩華仲系咁多人之中贏得最多0個個添！

發咗新年財嘅林太，就話今次旅行除咗賭錢之外，仲睇咗好多精采嘅Show：「啲Show真係好精采，佢哋運用燈光同計算機效果嘅技巧，對我哋拍電視劇同電影都有好多啟發。」