來源: 蘋果日報
Big4訪問志偉君如
吳君如與曾志偉昨日於尖沙嘴錄影無綫生活台節目《 Big4大四喜》，節目前進行小儀式，主持許志安、梁漢文、張衞健及蘇永康要抽生死牌，決定誰讓君如問尖銳問題，結果君如問 Edmond：「有冇試過去滾？」 Edmond坦白說：「成日有諗，但唔夠膽。」君如續問：「你最想咀邊個，唔准話係我。」張衞健也搶說：「唔准話張茜。」君如望向安仔說：「都唔准話係 Sammi。」令安仔尷尬儍笑，結果 Edmond表示最想咀小 S徐熙娣，因她的嘴看來很好錫。
志偉與君如昨日接受 Big4訪問，進行反逼供。
「唔係做啲不道德嘢」
兩位嘉賓轉又圍攻安仔，志偉初不知問甚麼，經記者提場即說：「翻啅呀。」全場大笑，有報道指安仔背着女友余德琳（ Michelle）翻追前女友鄭秀文，二人日前還在上海恩愛打邊爐，安仔解釋：「嗰次喺上海做完騷一齊打邊爐，佢三個冇去，好正常啫，一笑置之啦。」康仔即幫口說：「我同 Edmond都唔食牛，所以冇去。」安仔表示：「佢三個冇去都有其他人，不過嗰度打邊爐一人一鍋，可以自己食自己。」康仔聞言沒好氣說：「幫你兜緊，你又要踢爆，由你自生自滅。」
問安仔不怕現任女友呷醋嗎？他說：「佢知我鍾意打邊爐，知我鍾意滾，滾完就焯牛肉，我見到新聞都好攰，以前唔鍾意答，依家明白玩法，但都覺得好攰，又唔係兩個人去做啲不道德嘢，就算兩個人食都好正常。」健仔說：「依家見 Sammi豁達咗，喺台灣都有講感情，女仔都咁大方，安仔唔答咪好扭擰。」
沒有留言:
發佈留言