來源: 蘋果日報
Big Four 倫敦開騷 蜈蚣彈又撻Q
Big Four 世界巡迴演唱會完成香港首站演出後，於本月18號移師到英國倫敦著名體育館O2開騷，全場爆滿。許志安、蘇永康、張衞健（Dicky）同梁漢文將香港個唱搬到倫敦，仲將港式個唱互動文化帶到當地。
BIG FOUR開騷之餘，亦到倫敦當地四出遊覽。
Dicky喺香港個唱挑戰蜈蚣彈，結果幾乎場場派錢，喺倫敦站Dicky照辦煮碗，不過依然撻Q，佢就大手筆送出200英鎊（約港幣2,400元）大利是，仲即場抽現場觀眾上台展身手，側手翻和蜈蚣彈都成功過關，大利是袋袋平安。Big Four 一反當地開騷傳統，走落台同觀眾握手，掀起高潮，蘇永康更畀女粉絲強吻。
BIG FOUR將港式演唱會文化搬到倫敦。
安仔自彈自唱冧粉絲。
Dicky蜈蚣彈再次撻Q，又要派錢！
梁漢文載歌載舞，型仔！
Dicky之前喺香港騷都玩過蜈蚣彈，但失手居多。
開騷之餘，Big Four 仲忙裡偷閒四出遊覽，而演唱會音樂總監就充當導遊，Dicky話最難忘買手信，佢話：「我老婆（張茜）竟然睇中塊心形砧板，當時我心諗：『千祈唔好買呀！』點知佢話好可愛要買呀！結果我就喺倫敦買咗塊砧板返香港做紀念品！」
沒有留言:
發佈留言