【報紙】安仔同張衛健睇世盃冇預Sammi

* 編按:
虧你諗得出「落地生根」! 又笑死~

日期: 2002年6月26日
來源: 蘋果日報

安仔同張衛健睇世盃冇預Sammi

許志安昨晨偕老友張衛健及張母出現機場，三人一同飛往日本睇世盃。而健仔女友張茜於稍後赴日會合，問安仔為何不與女友鄭秀文同行？他笑說：「你又知佢唔去？」

許志安。

今屆世界盃賽事已進入四強爭霸階段，昨晨有不少名人明星離港，紛紛飛往日本睇波。向為圈中孝順仔的張衛健昨日早上十時許，偕同母親及好友許志安於機場美心閣歎早茶，接三人飛往日本旅行看世盃。

「我去落地生根」

健仔與母親在離開美心閣時巧遇記者，健仔即向記者說：「小心，唔好撞到我阿媽。」問到健仔今次會在當地逗留多久？他笑說：「我去落地生根呀。」記者又問為何不見其女友張茜同行？他便說：「你又知佢唔去？佢遲D去。」

張衛健偕母。

健仔女友張茜。

哼《孤身走我路》

至於安仔，被問及是否獨自一人睇波時？他竟無厘頭地哼梅艷芳的歌曲《孤身走我路》，問他為何不與「好朋友」鄭秀文結伴睇波？安仔即說：「我好多好朋友。」但其後他又說：「唔好亂講，我好朋友得一個咋，你又知佢唔去？」 此外，健仔表示自己與蘇永康仍有聯絡，他說：「佢幾好，佢唔睇波，但會睇碟，聽歌咁。」