【網絡】四千萬買豪宅 方便阿媽覆診

日期: 2015年6月11日
來源: 壹週刊 Next Plus

張衛健四千萬買豪宅 方便阿媽覆診

張衛健媽媽前年游水遇溺危殆，自意外後張媽媽身體機能一直下滑，需要定期檢查心臟。而孝順仔張衛健為咗令媽媽方便覆診，更花四千萬買下離養和醫院只5分鍾車程嘅豪宅，認真唔話得啊！

據報道指，張衛健舊年使成四千萬買落雲地利道雲暉大廈一個高層單位，居住地點近養和，可以方便媽媽覆診。知情者又話，張媽媽平時唔單止鍾意勇游水，仲鍾意游乾水打牌。不過依家驚心臟負荷唔到，都打少咗。據知，張衛健都不時陪媽媽去屋苑泳池游吓水咁。

張衛健近年一直北上拍劇賺人仔，據知，佢為咗陪多啲媽媽同老婆，自舊年都開始減產。知情者透露，張衛健近年都買咗幾個物業啦，加上早年老婆張茜小產，依家好不容易重拾心情；張茜依家41歲，都有機會標尾會嘅，所以佢都唔想成日淨係掛住做嘢賺錢。