【雜誌】張衞健亂噏氹老婆

* 編按:
該是除夕前一兩天吧~ 記者都好走得很近他們.... 真好。
其實很想告訴記者，他只是在普通的對話呀，可是己經很好笑了，痴線架!
之但係.... 點解係老婆推行李架呢? 兩杯凍奶茶一定係好重架喇! XD

老公: 老婆你口唔口渴? 我買左奶茶，買埋俾你! 不過個杯好凍呀等我拎啦，你推行李啦!
老婆: ....

哈哈哈哈哈!

日期: 2016年1月10日
來源: 東方新地

張衞健亂噏氹老婆

張衞健（Dicky）同張茜拍拖十年、結婚十二年，依然咁恩愛，感情保鮮原來靠把口，Dicky同老婆張茜早幾日現身機場，例牌問佢哋邊度返嚟？做嘢定去旅行啦，Dicky好認真咁問：「你問邊個先？我就上海，佢（指張茜）就北京。」呢個時候張茜已經笑到彎晒腰，Dicky繼續話：「咁啱咁都撞到，呢啲咪緣份囉，所以緣份要來真係擋都擋唔住㗎！」張茜喺側邊不停哈哈大笑，Dicky亂噏廿四無非都係想氹老婆笑啫，睇張茜笑到眼水都標埋，今次大成功﹗