【報紙】台慶劇年年有 舊作仲好睇

* 編按:
《我愛牙擦蘇》一定要睇呀!

日期: 2017年8月16日
來源: 蘋果日報

【舊作仲好睇】台慶劇年年有 《大時代》時隔25年仲Hit！(節錄)

台慶年年有，有得台慶，就梗係有台慶劇嚟贈興！不過，台慶劇基本上係唔只一套（但亦有只有一套嘅時候），以往經典又具話題性嘅台慶劇有好多，仲好值得回味！

1992年

被喻為「神劇」之一嘅《大時代》，由鄭少秋、劉青雲、邵仲衡、藍潔瑛、郭藹明、周慧敏等主演，無論重播幾多次，每次都有觀眾捧場；加上劇集有大量投資股票內容，配合秋官演嘅角色丁蟹，造成「丁蟹效應」，流傳多年。

同年另有《我愛牙擦蘇》被揀選為台慶劇，由張衞健、黎姿、劉小慧、許志安、林漪娸等主演，呢套劇笑位不盡，尤其係張衞健個牙擦蘇造型，非常經典。