【報紙】張衞健入圍爭視帝 徐榮: 對佢好有信心!

* 編按:
相關影片可以按這裡觀看。

日期: 2018年11月23日
來源: 東方日報

張衞健入圍爭視帝  徐榮: 對佢好有信心!

由張衞健孭飛的劇集《大帥哥》，早前被指無緣入圍角逐頒無綫的頒獎典禮，不過今日劇集卻在提名名單上。張衞健更有份角逐最佳男主角及最受歡迎電視男角色，對此，身在南非陪太太度假的他表示：「開心開心，好開心，緊係開心啦！有得提名已經好開心，希望觀眾鍾意，有冇獎攞都唔緊要。」

力撐兄弟！

《大帥哥》趕得切喺頒獎禮前播出。

劇中的演員徐榮對此並不感到意外﹕「其實套劇12月3號播出，我之前都估計得到，有張衞健嘅劇出街，大家一定好想睇，一定會入圍，我對佢嘅角色有信心，因為大家都知道佢係集體回憶，大家都想睇佢嘅演出。（你睇好邊個奪視帝？同劇嘅洪永城同張衞健都有份入圍。）梗係大哥張衞健，洪永城第二，佢都OK。（頒獎禮係12月16號舉行，《大帥哥》播得幾集，會唔會覺得好蝕底？）都唔會，張衞健嘅觀眾緣係積落嚟，大家都好期待睇佢。」