【報紙】食嘢星蹤＠十六座車仔麵

日期: 2019年2月19日
來源: 都市日報

食嘢星蹤 譚凱琪＠十六座車仔麵

譚凱琪（Zoie）喺無綫劇集《大帥哥》飾演「天嬌」一角後引起熱話，被網民大讚演技精湛， 雖然劇中嘅天嬌同大帥哥最終未能長相廝守！不過佢哋嘅緣分似乎未完結，日前Zoie去食車仔麵時竟偶遇張衛健，佢話：「上一世無緣見多你幾面，今世食車仔麵竟然遇見，擋不住的緣分。」

而佢哋去嘅呢間十六座車仔麵係走懷舊路線，一入到店內就會諗起舊時嘅屋邨，充滿住7、80年代嘅香港味。車仔麵亦都有30幾款配餸可選擇，加上全部都係老闆親自調製，味道正宗，怪不得兩位會不約而同去嗰度食嘢喇！