【報紙】張衞健竟然輸畀佢!

日期: 2019年2月11日
來源: 東方日報

睇到車婉婉個仔眼定定　張衞健竟然輸畀佢！

張衞健（Dicky）早前憑劇集《大帥哥》強勢回歸香港幕前，人氣再度急升！2月8日係Dicky嘅54歲生日，蘇永康同老婆Anita、陳奕迅（Eason）同老婆徐濠縈、車婉婉等呢日就聚首為壽星仔慶祝生日，大家圍埋一齊認真熱鬧！

張衞健生日快樂！

BBQ眼定定望實個蛋糕，望都冇望過張衞健！連蘇永康囝囝Jazz（左）都行過嚟望個蛋糕。

大合照！

見到個蛋糕塊朱古力牌寫上「Happy Birthday大帥哥」，相當有心思！而喺相入面見到Dicky一手拎住個蛋糕，一手攬實車婉婉囝囝BBQ仲深情地望實對方，但BBQ就眼定定咁𥄫實個蛋糕，相映成趣！網友搞笑留言：「估唔到大帥哥嘅魅力失效，竟然輸咗畀個蛋糕呀！」