來源: 蘋果日報
蘇永康信安心事件會淡
蘇永康兩場紅館演唱會前晚圓滿結束，獲好友張衞健、謝霆鋒及關之琳等到場支持。完騷後康仔被問到會否再舉辦演唱會？康仔指仍未決定，但如果要巡迴就有困難，因為演唱會合作的中樂團很忙，他說：「我哋有晒啲樂譜喺手，但如果去唔同地方，可能唔係首首歌都啱，每份譜要成兩萬元，寫過會好貴。」
蘇永康前晚尾場，張衞健（右）及謝霆鋒等到場支持。
問到好兄弟中獨欠許志安沒有現身，康仔說：「其實我同老Sam（鄭秀文）同安仔成日通電話，Sammi都想嚟，但係佢諗到如果嚟會引起某啲混亂，佢呢兩、三晚都有message鼓勵我。」日前劇集《愛．回家》以安心事件抽水，問他會否覺得不合適？康仔說：「我相信呢件事會慢慢淡，安仔同Sammi絕對會勇敢面對，就好似我自己件事（台灣涉毒）咁，我唔怕大家提，因為唔可以逃避同埋驚，反而要去面對。」
沒有留言:
發佈留言