【報紙】大帥哥張衞健俾好多鼓勵

日期: 2019年10月3日
來源: 蘋果日報

【人生巨變】林子博至今未知「死因」 慶幸無情雞換有情人相助 (節錄)

48歲的林子博，過去11年在無綫娛樂新聞台做主播，偶爾有機會參與劇集和綜藝節目，跟太太Shirley公一份婆一份，一家四口生活雖不富裕，但知足。

數個月前，這個幸福之家起了重大變化，跟子博結婚16年的Shirley，忽然患上極罕有癌症「平滑肌肉瘤（腹腔）」，不但進入第四期，癌細胞更擴散到肝、胰、肺及淋巴。Shirley為抗癌而辭去原來工作，子博一個人孭起整頭家，勉勉強強以為撐得住，卻沒想到無綫決定本月1日約滿後不再跟他續約，連家中唯一經濟支柱也倒下來。

不過，一隻「無情雞」換來一班「有情人」，古天樂、汪明荃、鄭秀文、張衞健、薛家燕、鮑起靜、江美儀、張慧儀......子博相熟的、不相熟的，一個個伸出援手，有些經濟上支持，助Shirley到美國就醫，有些給他介紹工作，比起乜乜大型籌款節目，來得更真實、更真心。

子博日前接受《蘋果》專訪時由衷感激說：「我呢11年喺娛樂新聞台係冇白過，因為真係有好多呢一行嘅人，你諗都諗唔到，我只不過訪問過2次、3次，真係冇電話冇交情，但佢哋都有幫我，好似大帥哥張衞健，佢搵我電話WhatsApp我，有好多鼓勵嘅說話同我講，甚至乎佢留言畀我太太，我太太聽完之後喊咗出嚟。佢話：『你要頂住呀，你一定會好番㗎，大帥哥會撐你呀！』」至於ViuTV方面亦已招手，正如子博所講，天無絕人之路。