【報紙】藝人齊助太太醫療

日期: 2019年10月11日
來源: 頭條日報

娛圈有愛 姐級藝人報紙包錢助渡難關 林子博感謝 Sammi古仔救老婆 (節錄)

林子博為了照顧罹患極罕癌症「平滑肌肉瘤（腹腔）」第4期的老婆董燕君（Shirley）及一對年幼子女，心力交瘁，同時間合作十年，約滿TVB後無得留低。幸好娛圈有愛，本周三晚（9日），TVB《娛樂新聞台》監製張志明率一班主播跟林子博食火鍋Farewell，他有感而發說：「我冇怪過TVB，主持娛樂新聞咁多年為我帶嚟人脈，喺呢件事上好幫到手，唯有講句江湖再見！」因為醫藥費昂貴，他坦言，鄭秀文、張衛健及古天樂等，甚至在TVB極具地位嘅姐級藝員都有出錢出力助他渡難關，所以生活費及太太醫藥費暫時OK，大家可放心。

深受感動 ■健仔同子博唔熟，但對方出錢又出力令他非常感動。

藝人齊助太太醫療

問到太太醫藥費方面，子博感激娛圈人幫助，如鄭秀文、張衛健及古天樂等，「具體幫咗幾多，點幫就唔好公開喇，古天樂話10月中返港會再搵我，初入行就係拍電影，我梗係想拍戲啦；家燕姐大女石祐珊話介紹我幫一間公司做市場管理；張衛健錄咗條聲同我哋打氣：『Shirley加油呀，大帥哥撐你，都會為你哋祈禱，好快會冇事，最緊要保持良好心態，開心又一日，唔開心又一日，日日都笑騎騎面對一切。』最意外係一位有份量嘅姐級藝人，佢送我兩袋嘢，一袋係月餅，一袋係用報紙包住一卷比拳頭細啲物體，打開有一疊千元鈔票，有幾多錢就唔透露喇，我知佢唔想公開，但我真心好感激佢，呢啲錢全部會用返喺太太嘅醫療支出。」