【報紙】張衞健陪阿媽捉棋鋪鋪輸

日期: 2019年1月20日
來源: 東方日報

訓練邊個腦筋？張衞健陪阿媽捉棋鋪鋪輸

張衞健（Dicky）最近忙完《大帥哥》宣傳工作，自然就少咗公開露面。有好多網民都好關心Dicky嘅日常生活。尋日佢喺社交網更新佢嘅近況，上載兩張喺屋企同媽咪玩波子棋嘅相片，相中嘅Dicky媽好專注諗緊下一步棋點行，而佢就好有耐心等媽咪慢慢諗。

親情無限，大帥哥眼神充滿愛～

「大帥哥」張衞健個柔情樣～

陪阿媽捉棋，輸都輸得開心！

Dicky留言話同媽咪捉棋次次都輸，但醉翁之意不在酒，主要想媽咪訓練腦筋：「陪我媽下棋，十局有十局都是我輸的，因為她老人家的步法是亂走的，不過重點是想她多動動腦筋。這就是大帥哥背後的簡單生活。」好多網民都大讚佢乖仔，仲叫佢多啲分享近照！