【報紙】拍爆破戲搵命搏

日期: 2019年1月11日
來源: 晴報

拍爆破戲搵命搏   張衞健: 我對得起自己

播出至今大獲好評《大帥哥》始終要離開觀眾，大家滿意大結局嗎？論故事內容，張衞健特意在喜劇中加入人生道理，歡笑之中發人深省，很有深度；論演員表現，前輩張衞健帶領眾配角入戲，無論為徐榮死而喊到妝都花晒的楊秀惠，還是將溫柔同兇狠都發揮得淋漓盡致的譚凱琪，連一向被指表情生硬的洪永城都奸得入肉，人人脫胎換骨，全因張衞健身體力行，發揮演員專業精神，做個好榜樣。

拍出來的效果

近日張衞健於微博發佈一條絕密片段，只見片中張衞健沒有用替身，堅持親身上陣拍爆破戲，炸藥在他腳邊炸起，場面非常驚險，叫人拍爛手掌。張衞健就話：「如果你問我為什麼那麼拼？我的答案是：『我為我的努力而驕傲！』《大帥哥》這個角色，我對得起自己！因為我已經把暫時最好的張衞健奉獻給觀眾了！感謝感動感恩你們喜歡！ ​」拍戲親身上陣，看似理所當然，但其實現在不少一線小生花旦連吊威也都要搵替身，今次爆破戲用真炸藥，危險程度十倍提升，隨時發生意外，貴為當紅藝人的張衞健以今時今日的地位其實根本不用犯險。但他認為言教不如身教，為了拍出來效果更真實，明明年屆53歲願意搵命搏，完全反映演員的專業精神。平時咁鍾意吹水，原來張衞健講得出做得到，是個身體力行、很有愧力的演員，難怪現在仍迷倒老、中、青粉絲，相信《大帥哥》過了10年都會成為眾人心目中的喜劇經典。相信大家最希望都是張衞健快啲返嚟，再拍多點好劇俾大家！