【報紙】天嬌被害賺人熱淚 譚凱琪甫相Say Bye

* 編按:
相關影片可以按這裡觀看。

日期: 2019年1月5日
來源: 東方日報

天嬌被害賺人熱淚！譚凱琪甫相Say Bye

譚凱琪（Zoie）最近憑劇集《大帥哥》中「天嬌」一角，演技備受肯定。於前晚播出一集中，最精彩高潮部分莫過於「大帥哥」張衞健為天嬌擋槍，仲放佢走希望佢改邪歸正，大帥哥保護天嬌一幕賺人熱淚。但最終天嬌都係被洪永城飾演嘅馬炭私下殺害，天嬌一死，睇到唔少觀眾都眼濕濕。雖然佢喺戲中扮演奸到噴汁嘅日本間諜，但卻唔令人反感，有好多網民都話還我天嬌呀！

還我天嬌呀！

「大帥哥」張衞健同「天嬌」譚凱琪，已經成為回憶喇…

再見喇，天嬌！

尋日Zoie喺社交網上載一張與「老公」張衞健合照，二人身穿婚宴上嘅和服，仲手拖手望住鏡頭，佢並留言引用戲中經典對白：「『陽壽盡 落陰谷 生老病死乃定局』再見啦，天嬌！」