【網絡】大帥哥抽水「神鏡」！

* 編按:
電視廣告，詳情可以看這篇。
雜誌廣告，詳情可以看這篇。

日期: 2019年1月3日
來源: Fever 小編手記 www.dcfever.com

大帥哥抽水「神鏡」！

大台的《大帥哥》播到接近尾聲，對好多人嚟講，成套劇最大賣點都係「第一代馬騮仔」張衛健響大台出現。小編平日事忙，好少睇大台，見得最多都可能是節目預告，暫且不評論張衛健嗰種似曾相識的演繹手法，不過作為鍾意影相嘅人，小編有時見到張衛健，就會諗起佢響廿多年前嘅一個電視廣告。

上咗年紀嘅朋友可能會記得響 1993 年在港推出嘅 Pentax Zoom 90 WR 菲林傻瓜機，當年代理捷成洋行就搵左第一代馬騮仔張衛健為呢部相機拍 TVC，並以「神鏡」作宣傳口號。原來當年嘅「神鏡」相機係一部有 35-90mm 變焦鏡頭、遙控器及生活防水功能嘅全天候相機，以 26 年前嚟講都非常巴閉。不過小編睇完個廣告後，覺得最巴閉都未必係部 Pentax「神鏡」相機...... 事關當今嘅四防相機和 Action Cam 多的是，但仲有幾多個明星拍廣告時仲會肯俾人兜口兜面淋水嚟 Sell 件 Product 呢？