來源: FB | 講劇時辰到
《少帥哥之聲威振天》第一回，誰癲誰喪誰爆笑，型過蔗渣，黐線過大帥哥
《大帥哥》播完後，大台無乜啱睇，有點空虛，搵啲野癲下先。這故事肯定大台唔會拍，大帥哥唔會接，少帥唔會理 (佢老爸話要佢退休喎)，所以大家唔駛擔心，一定無得睇😅，齊齊開心吓咁啦。創作時純右腦思維，無邏輯道理可言，無須批評都知，一定唔合理。
新故事開始，首先梗係要重組番「軍曹」兵團，搵個理由俾馬炭同羅義復活！話說狄奇追番沅婉，諗住隱居，養下豬同雞咁維生，但佢除左打仗做大帥，就乜都唔識，唯有搵啲豬扮手下，雞扮平民，日日玩大帥哥，但沅婉看得出，佢實在好悶。為了生計，沅婉會出城行醫，一天遇到一個革命黨中人，告訴她馬炭在昇威鎮出現，沅婉詫異，告知狄奇，狄奇乘機帶埋老婆重回昇威鎮。回到大帥府，冬來、顧參謀同艾妞十分驚喜，狄奇也表現雀躍，又可以講番急口令，沅婉看在眼裏，知道這才是最適合狄奇的地方。冬來帶狄奇去到鎮上，村民也很高興，預備埋橫額歡迎。狄奇在客棧找到那個一模一樣的「馬炭」，但他其實名戴孖馬(Tamama )。根據根本英俊的說法，馬炭老豆佐滕三十年前潛伏在清朝，(軍閥割據時代約是1915-1928年，其實那時還是清朝，童年馬炭應該著清裝) 日本人咁壞，點會強暴一個民女咁少，一定有大量被害民女，生下不少「馬炭」，要幾多有幾多，這個戴孖馬，只是其中一個佐藤之子，他的腳上也有佐藤家的紋身。見到這個「馬炭」，狄奇有理無理收留他在大帥府，俾埋個一等兵佢做，會唔會出事，梗會啦⋯(未諗到😅)
羅義點再出現呢？話說某戲班有個當紅的反串花旦，名叫蓮粉紅，相當受到歡迎，話說有個hehe哋的軍閥，要立佢為妾，粉紅不願逃到昇威鎮，被艾妞發現，見佢同羅義一模一樣，決心幫佢，狄奇見到也想幫，但介意佢乸乸地。那軍閥來到昇威鎮搶人，狄奇出頭，冬來大顯神威打退軍閥，粉紅原來從少習北派，有功夫底好打得，經此一役，狄奇收留粉紅在大帥府，自此，佢日日同艾妞操曲，粉紅更暗戀冬來，見佢有老婆無望，改為追求顧參謀。
講左咁耐，主角少帥要出埸了，老人家在滋心苑日日J-Pop，快活左一陣，大禍臨頭了！根本英俊的弟弟根本輝仁被皇軍派來接管滋心苑，他要向狄奇報仇，他拘禁少帥，要狄奇單槍匹馬到滋心苑，大帥哥大母雞個性，係兄弟都要攬，附會中計被擄，他與少帥同被迷暈，輝仁找來一個陰陽師，將大帥、少帥靈魂對調，事成後他更殺了隂陽師，要天下無人才可以幫他們的靈魂歸回本體！狄奇醒來，見到自己的身體瞓在另一邊的地上，自己的靈魂附了在少帥身上，大叫了一聲：「我逼啪你個隆的洞！」根本輝仁進來，他說要狄奇生不如死，成世做狗⋯，點算好呀，我都未知，咁荒唐大家都有興趣的話，再諗下去啦😆
沒有留言:
發佈留言