【報紙】尾場音響失靈 賴許志安張衞健

* 編按:
相關影片可以按這裡觀看。

(來源: 影片截圖)

日期: 2015年12月1日
來源: 蘋果日報

【六條King】男人幫尾場音響失靈 賴許志安張衞健

一連三場「男人幫演唱會2015」紅館演唱會噚晚尾場，任賢齊、蘇永康、梁漢文及黃家強組成嘅男人幫大唱金曲，繼第一場嘉賓係李宗盛、第二場係鄭秀文，噚晚就到Big Four成員張衞健同許志安做嘉賓。

不過，現場音響就發生小故障導致冇聲，蘇永康笑話有仇家搞鬼，家強搭嘴講笑話：「我以為我先有。」梁漢文更將矛頭指向嘉賓張衞健和許志安。當張衞健同安仔上台時，健仔對安仔講：「今晚我哋唔應該唱歌，會蝕水。我係順路嚟，我係去萬國，幫佢兩個book位。」全場即捧腹大笑！

男人幫前晚尾場邀請了BIG FOUR成員張衞健和許志安做嘉賓。

至於完騷，男人幫喺後台接受訪問，家強同小齊即錫錫老婆，蘇永康就話太太因氣管炎，連手仔都唔可以拖，而梁漢文就連老婆都搵唔到坐邊，家強解釋：「我唔係特登錫，因為老婆生日。」