【報紙】健仔踩男人幫場拍安仔放笑彈

* 編按:
相關影片可以按這裡觀看。

日期: 2015年12月1日
來源: 東方日報

健仔踩男人幫場拍安仔放笑彈

任賢齊、蘇永康（蘇康）、梁漢文（Edmond）及黃家強組成的「男人幫」前晚假紅館舉行《男人幫演唱會2015》尾場，開場時發生音響故障，蘇康笑言懷疑有人有仇家，家強即自嘲說：「你哋有仇家咩？我以為我有咋！」Edmond就認為是表演嘉賓所為。

許志安（左）和張衞健鼻貼鼻出場，之後大放笑彈。

之後嘉賓「BIG TWO」許志安和張衞健上台，健仔對安仔說：「搞清楚先，呢度唔係BIG FOUR場，唔應該唱歌同握手。」安仔則說：「咁我哋都唔應該嚟。」健仔笑言只是順路：「我係去萬國（殯儀館），幫你book定位先！」提到蘇康與Edmond同時為男人幫及BIG FOUR成員，安仔提議與健仔另組「女人幫」，健仔說要找Twins、肥媽、羅蘭等加入。

家強疑寸小齊

大放一輪笑彈後，安仔與健仔和男人幫合唱《火熱動感LaLaLa》，掀起全晚高潮。口才了得的健仔未有輕易放過男人幫，他抵死表示要衷心「恭喜」男人幫：「收到風話紅館之後，佢哋嘅巡迴有150幾場洽談中，不過傾成嘅好似得兩場，都好勁o架。」

騷後受訪時，提到家強和小齊在演出中均有錫太太，家強解釋說：「我唔會特登喺演唱會錫，係咁啱佢生日。」這番話疑似暗寸小齊，令小齊急急澄清說：「我都唔係特登錫o架！」家強笑說：「冇心話你，我老婆生日錫一啖有咩問題？但你老婆生日咩？」即讓小齊無力反駁。對於被健仔指只有兩場巡唱洽談成功，小齊解釋他們計劃先在美加等地開騷，內地巡唱要再作周詳計劃。