【報紙】安仔Dicky踩場寸寸貢爆料

日期: 2015年12月1日
來源: 太陽報

安仔Dicky踩場寸寸貢爆料

組合「男人幫」任賢齊、蘇永康、梁漢文及黃家強的演唱會圓滿結束，尾場音響突然失靈，梁漢文竟「老屈」是壓軸嘉賓許志安和張衞健所為，安仔則笑「男人幫」冇票房！

由任賢齊（小齊）、蘇永康、梁漢文（Edmond）及黃家強組成的「男人幫」前晚於紅館舉行《男人幫演唱會2015》尾場，家強太太、黃子華、黃偉文、Eric Kwok與太太葉佩雯等捧場。甫開騷音響就發生故障，四人在台上搞笑表示可能是被表演嘉賓整蠱，蘇永康懷疑有人有仇家，家強即說：「你哋有仇家咩？我以為我有咋！」

許志安（左）和張衞健「咀」住出場，其後更笑男人幫巡唱暫得兩場。

男人幫和「BIG TWO」與粉絲握手，反應好熱烈！

笑巡唱得兩場

其後，許志安和張衞健（Dicky）組成「BIG TWO」踩場，當安仔笑言今場不是「BIG FOUR」騷故不應出現時，Dicky笑言來紅館只是順路：「我去萬國（殯儀館），幫你Book定位先！」接着六人合唱，安仔又大踩男人幫的巡迴騷欠吸引力：「佢哋嘅巡唱有150場洽談中，但成事嘅好似得兩場，都好勁喇！」

小齊錫老婆補鑊

男人幫受訪時談及音響故障，小齊說：「唔知原因，所以呢個年代電腦係勁恐怖！」談到和小齊在演唱會上錫了老婆一啖，家強表示因為太太生日才吻她，小齊則說：「有粉絲錫咗我一啖，所以錫番佢補償。」對於被取笑只有兩場巡迴騷接洽成功，家強笑說：「你信嗰兩個人？」小齊則解釋計劃先在美加等地舉行巡唱。