這標題起得好嘔心啊.... 眼都突埋囉.... Btw, 茜真的越來越自在，不像當初般了~
相關影片可以按這裡觀看。
日期: 2016年4月26日
來源: 東方日報
人有三急! 張衛健乸口乸面拖老婆趕開大
張衛健（健仔）與太太張茜結婚多年，一直甜蜜蜜，養尊處優的張茜更發福不少。早前張茜被指肚凸凸兼面圓圓，惹來懷孕傳聞，令她最近積極做Gym搣甩肥膏。日前約下午2時，夫婦一起現身中環，張茜明顯清減不少，難怪她當日拖著老公穿梭名店，實行掃番細碼衫曬成果。
行行吓街突然肚痛，難怪健仔揀心頭好時乸口乸面。
健仔與張茜先步入一間潮店揀選心頭好，張茜主攻太陽眼鏡，向來動作多多的健仔邊合十邊在店內閒逛，未幾睇中一對波鞋，拿上手研究時卻突然面色一沉，掩著肚皮苦口苦面，及後還急急找老婆求救！兩人傾了幾句隨即閃人，步出門口時見記者在場，張茜即主動拖實老公，企定定讓記者拍照，其後雙雙箭步趕到下層的洗手間。期間，一副 “忍” 樣的健仔看來急到“谷埋泡腮”，樣子勁趣怪！經過解決後，他明顯輕鬆不少，繼續拖著老婆血拼。
死頂一陣先…
肚痛呀…點忍呀？
呢個時候，張茜就專心揀太陽眼鏡。
仲叫靚仔店員試戴。
點知健仔突然走埋老婆身邊…
仲靜靜雞同佢講肚仔痛要去廁所。
張茜主動拖實健仔急急離開。
不過喺咁緊急嘅時候，健仔都有停低畀記者影相，辛苦晒！
健仔急到“谷埋泡腮”，同老婆搭扶手電梯落一層搵廁所。
解决完后舒服晒~ 健仔继续同老婆血拼。
沒有留言:
發佈留言