【網絡】張茜否認情變隨時嫁張衛健

* 編按:
最後一句是重點，茜真係一個好老婆呀~

日期: 2004年12月19日
來源: 台長KKK

張茜否認情變隨時嫁張衛健

對於早前有傳張茜和拍拖多年的張衛健，因逼婚不遂而分手，心情勁靚的張茜即時作出否認，並風騷地獻出香吻，自爆隨時下嫁健仔，對於健仔公開指她是生命中至愛的女人，她甜到漏說：「我認為絕對係架！」 

拍攝了兩個月，終於在日前煞科的新劇《歡樂桑田》，主角張茜和郭晉安日前在廣州舉行記者會。因水土不服消瘦了不少的張茜，對於與男友張衛健傳分手，事件沒有令她受到傷害，並否認情變。

二人拍拖多年，張茜表示從未向男友逼婚：「唔知寫報導的人瞭解我幾多，我地都有通電話傾過件事，不過冇為呢件事勞氣。」雖然張茜已準備隨時結婚，但仍以工作為重，她說：「我隨時都結得，不過要問阿媽先，（阿媽對健仔有乜咩評語？）媽咪話佢D戲好好睇，（你想唔想佢求婚？）暫時唔好求住，等我做多幾部戲女主角先，因為結婚需要投入，要諗得好清楚。」

至於健仔早前公開表示視張茜為生命中最愛的女人，她笑得更甜地說：「咁支持我呀！我認為絕對係架！（你有乜承諾同佢講？）我唔識講呢啲嘢，一切盡在不言中。（佢有乜嘢優點？）佢心哋好好，（好多人都做到啦！）咁你喺咪姓張先？佢唔會逼我做家庭主婦！」有傳健仔曾欠債三千萬，但已瞞著女友還清債務，她說：「如果還唔曬，我會搏命做嘢幫佢一齊還，不過呢件事真喺唔清楚。」