來源: 台長KKK / 天行健
三十年兄弟情盡在不言中 吳國敬冇錢交租 健仔送金來
唱片界互步入艱辛年代，莫說歌手，就連幕後也冇啖好食！身為創作人的吳國敬，眼見業界狀況不勝唏噓，坦言收入比當年高峰期相比差得遠，幸好於低潮期兄弟們的幫助，令他感到人間溫暖。
送大獎安慰老友
吳國敬小學一年班便與張衛健結下緣分，多年來情如兄弟，健仔最好的定必預留給他，令阿敬無言感激。正如由健仔主演的劇集《功夫足球》，早前被無線買下作為重頭劇播放，健仔為求盡善盡美，便找來了阿敬為該劇主題曲任監製兼插曲創作，阿敬一方面感激不已，另方面卻深感壓力，他說：「我都未見過健仔咁緊張，係咁叫我畀首好歌佢，佢好少咁樣，我不嬲做野都好輕鬆，唔逼得，可能我太有自信啦！」
幾經辛苦終於完成曲目並取名《大獎》，找來了黃貫中編曲，出來效果極好，阿敬說：「個個都話呢首歌一定大熱，咁健仔係華人最高薪酬演員之一，間唔中有hit歌，電視界攞大獎就多，唱歌就冇試過，可能timming唔夾啦！同埋我覺得首歌年尾先出好難爭獎，所以咪將首歌叫《大獎》送畀健仔安慰吓佢，首歌內容都好到肉架！好似『人人拿大獎得我沒有』咁，有晒point」
談到與健仔三十多年兄弟情，阿敬坦言每當遇到不如意事情，對方必定伸手相助，即使冇錢交租，健仔也會無條件把錢送上門，令共感激不已，面對健仔、蘇永康及梁漢文等事業比他好的兄弟，阿敵表示沒有半點羨慕，認為天生我材必有用，故從不回想從前，只會展望將來，望真的明天會更好。」
沒有留言:
發佈留言