【報紙】張茜親證與張衛健關係冇變

日期: 2004年12月12日
來源: 東方日報

張茜親證與張衛健關係冇變

昨日有報導指張衛健與拍拖五年的大陸演員女友張茜分手，健仔（Dicky）還搬離位於上水的「愛巢」，搬出市區跟母親同住，據說健仔與張茜分手，是因女方近年多次催婚所致。

健仔與張茜拍拖期間，雖然感情頗為穩定，但健仔也曾跟阿Sa（蔡卓妍）等人傳過緋聞，而每次都是健仔主動氹回女友。據聞張茜跟健仔經常分隔兩地各有各忙，加上她亦接近卅歲，為此經常向男友催婚。可是，健仔早年因投資失利欠下巨債，他近年努力工作下略有成績兼將債項還清，所以想再在事業方面努力一番，張茜頻頻催婚，令二人對結婚一事的睇法有分歧。

對於被指搬離愛巢分手，健仔未有正面回答，他只表示一對情侶一日未結婚亦有分手的可能，且否認與女友同居，但卻承認搬出市區是跟媽媽同住。

不過，正在廣西拍劇的張茜接受本報長途電話訪問時，語調輕鬆地否認有其事：「我都唔知發生咩事，而家劇組煞科宴，我都未有時間打電話畀Dicky 。（有傳話你催婚至分手、Dicky又搬離愛巢？）兩個人之間0既0野有乜理由外邊0既人會知呢？（咁你0地係咪仲系男女朋友關係？ ）冇變過，我好勤力做0野，唔知點解會傳0的咁0既新聞，咁會令我經理人擔心。」