來源: 星島日報
張茜否認向張衛健逼婚
張茜和郭晉安主演的內地電視劇《歡樂桑田》，日前於廣州舉行煞科記招。與男友張衛健傳出逼婚不果分手收場的張茜，更強調與健仔「情比金堅」。
張茜在記招上說﹕ 「 我無逼過人做事， 又點會逼健仔， 只覺得報導無聊， 我無唔開心。 我同健仔有傾過件事， 大家會以工作為主，總之結唔結婚無所謂。 （ 健仔講過佢媽媽同妳系佢最心愛的女人！ ） 哈哈! 我自認絕對系的！ 反正一切盡在不言中， 不用講得太多。 」
提及有傳健仔欠債三千萬一事， 張茜表示不清楚， 她說﹕ 「 欠債的事我唔清楚。 咁如果佢欠債， 我要求佢叫埋我一齊還啦﹗ （ 肯幫佢還債， 一定嫁畀健仔？ ） 我隨時都嫁得， 不過幾時就阿媽話事。 （ 媽媽話幾時？ ） 阿媽只話佢做戲好睇。 （ 視健仔系結婚對象？ ） 晤﹗ 不過等我做多二年， 拍戲過足癮先。 （ 健仔有乜吸引妳？ ） 姓張、 系男人、 心地好好， 同埋唔會逼我煮飯同做家庭主婦。 」
沒有留言:
發佈留言