【報紙】傳分手 強調感情冇變

日期: 2004年12月12日
來源: 太陽報

傳逼婚不遂男友遷出愛巢 張茜否認與張衛健分手

張衛健與女友張茜拍拖五年，近日突傳分手消息，導火線指張茜逼婚失敗，健仔更決絕地遷出同居愛巢。但張茜昨日表示對分手傳聞大惑不解，更強調與健仔感情沒變。

張衛健與張茜五年前因拍攝劇集《陳夢吉傳奇》擦出愛火花，兩人公開戀情后，一直如膠似漆，拍拖至今已有五年，雖然期間健仔曾與Twins的阿Sa傳出緋聞，但無損他與張茜的感情，兩人經常出雙入對，早前兩人更一同合作拍《伙頭智多星》電視劇，猶如老夫老妻。本月初，健仔更自爆送上訂情鑽戒予女友，讓外界以為他婚期不遠，而張茜更表示隨時準備結婚，更希望在聖誕的浪漫氣氛下舉行婚禮。

可惜，近日突傳健仔不堪女友日夜催婚，毅然斬斷情絲，拖著大件行李搬離他與張茜於上水共賦同居的愛巢，寧願與母親同住紅磡新居。

強調感情冇變

張茜昨日身在廣西拍攝劇集《歡樂桑田》，晚上出席煞科宴，對傳出分手，她大惑不解：「我都唔知發生咩事！（你同健仔依家仲係咪男女朋友？）我們一直都係咁，冇變過呀！都唔知傳聞話我點乜講？（有傳你逼婚不成健仔提出分手搬離愛巢！）我們兩個的人又點知呢？（會唔會打畀健仔問清楚？）我仲未有時間打畀佢，呢度拍戲由朝忙到晚，都唔知出面發生乜事，咁講會令我經理人好擔心！」她強調至今兩人關係未變。

對於分手之說，記者致電健仔，但至截稿前仍未有回复。之前他曾說過他們一日未結婚也有分手機會，最重要是大家愛過對方。