【網絡】健仔學定日語振聲威

日期: 2004年12月10日
來源: 台長KKK

健仔學定日語振聲威

張衛健成劇集收視保證，被廣州《南方都市報》封為「廣東收視天王」，其主演的三套電視劇《聚寶盆》、《天下無雙》及《功夫足球》分別穩奪內地劇集方面收視前三位，而《功》劇明年更會在日本播放，相信屆時健仔不難於海外大振聲威！

度身訂造三個劇本

健仔對於自己獲得如此佳績謙遜地說：「唔敢當，不過聽到都開心，如果認喺（收視天王）就要背負好大壓力，但依家有人支持自己當然開心。」健仔更透露當年返內地發展曾遭人潑冷水﹕「佢叫我專心留在內地發展，唔使返香港啦，因為香港發生咩事我都唔知，不過事實證明，話過我嘅人而家都要返內地拍嘢啦。」

健仔更乘機感激細佬Henry眼光遠大：「當年係佢叫我返內地拍嘢架。」至於《功》片成首部在日本上映的香港劇集，健仔表示高興之餘，還笑言會學日語應對，以免「有辱國體」。《功》劇劇主林太則表示已開始為健仔再度身訂造三個劇本準備與健仔經理人公司度期。

另外，健仔昨與張敏出席《2004十大港聞選舉》活動。席間主持人提到「元朗學校欺凌事件」，早前涉及誤傷內地演員王伯昭的健仔竟主動謂：「最驚見到呢啲嘢。」事後他表示自己純屬講笑。至於與王伯昭的糾纏，大有可能成為「十大娛樂新聞」之一，健仔謂：「唔講呢啲嘢。」而張敏則最關心「星展銀行保管箱事件」，原來她有朋友是事件受害者，目前為上訴而疲於奔命。張敏表示：「搞到我唔敢亂放嘢喺銀行。我喺上海有幾間屋，內地如果唔見屋契，即係等同成層樓冇咗，你話幾大件事呢！」