【報紙】張衛健劇集收視橫掃廣州

* 編按:
嗯.... 市區.... 68樓.... 沒猜錯應該是海明軒了 。原來曾經這麼近那麼遠啊。

日期: 2004年12月6日
來源: 東方日報

張衛健劇集收視橫掃廣州

無線今晚首播劇集《功夫足球》，昨日特別在廣播城舉行一場足球比賽作宣傳，張衛健與容祖兒未有落場比賽，只由吳浩康、吳文忻、梁俊一、林曉峰等組成「功夫足球隊」同一班足球小將組成「小飛俠足球隊」對壘。

結果，「功夫足球隊」慘食光蛋輸三球，非常之失威，令在旁觀戰的健仔也覺無眼睇，而在輸波之餘，文忻更因著錯鞋，跣腳擦損膝頭，她表示：「因為起初以為喺草地比賽，咪著對釘鞋去。」

張衛健對新劇收視信心十足，他表示，此劇已在廣州電視台播出，且反應理想，而最令他開心的是廣州電視台頭三個高收視劇集都是由他主演，《功夫足球》更是未播完已佔第三位。另外，健仔明年就會約滿M8，他說：「我會趁呢段休息時間傾吓新合約。（會唔會同女友去旅行？）會，趁馬爾代夫未陸沉時去，我媽咪又鍾意去咪一齊去。」

搬屋與母同住

最近健仔忙於搬屋，問他是否準備結婚時，健仔即說：「唔係，我喺新界住咗多年，拍戲已經日日都喺荒山野嶺，唔想成世都做野人，咪搬出市區，我本來就獨居，依家會同媽咪住，我都要重新適應做番個仔。」不過，健仔就好「黑仔」，他買的一套梳化竟進不了寓所的電梯，他說：「我住68樓，我諗過若畀一百蚊人搬一層，但搬運費都成七千蚊，但套梳化只係九千蚊，所以都係畀咗細佬，自己買過套。」