來源: 東方日報
蘇永康寸Big Four讚男人幫！
組合「男人幫」梁漢文（Edmond）、蘇永康、任賢齊及黃家強出席電台訪問，宣傳將於本月15號推出的專輯時，蘇永康透露除了設計唱片封套外，還擔起藝術總監，更提供了好多私伙衫供大家着。蘇永康亦表示今次的合作是夢幻組合，而且家強亦作了主題曲並與小齊一同填詞。
蘇永康（上圖左二）寸Big Four（下）讚男人幫（上）！
經典歌重新編曲有新鮮感
談到新專輯及演唱會，四人指今次都用了李宗盛大哥的台灣音樂班底，是明星級的樂手，小齊說：「今次好幸運，大家聽到都好支持，亦有好多贊助商，仲有十幾個城市嘅邀請。」其後，家強直言今次將好多經典歌重新編曲，試了好多不同的風格同樂器，除了保留經典味道，還帶來新鮮感：「當初都唔覺得係咁好，但冇諗過出到嚟係咁好同咁好玩！」
小齊當蘇永康梁漢文搖錢樹？
問到 Edmond 在早前個唱歌提出邀請Big Four另外兩位成員許志安及張衞健做今次演唱會嘉賓，他笑言正在考慮中。而蘇永康就澄清男人幫同Big Four的方向都好大分別：「男人幫係音樂性好強，Big Four就係一半講一半唱，仲要互揭瘡疤嘅！」至於提到許志安今日出席另一活動時笑言與張衞健都覺得終於有人願接收蘇永康及Edmond，小齊即笑說：「唔係接收，我當佢哋搖錢樹！」
沒有留言:
發佈留言