【報紙】錢國偉結婚 Big4古惑仔埋位

日期: 2015年9月16日
來源: 頭條日報

錢國偉結婚 Big4古惑仔埋位 (節錄)

錢國偉Wilson將於下月8日迎娶女友陳宛蔚Calinda，結束六年愛情長跑，早前豪花50萬飛歐洲拍攝的婚照終於曝光，十指緊扣遊走希臘神殿，浪漫滿瀉。53歲做老襯，Wilson揚言婚宴當晚要玩驚喜，只讓未婚妻Calinda參與禮服、婚照、賓客排位等前期工作，自己則跟兄弟團密謀婚宴當晚閉門狂歡，Big4古惑仔個個一呼百應，準新娘Calinda說：「Wilson朋友多，都擔心會請漏人，預計班天使晒冷上場，姊妹團就由江美儀、莊思敏、JJ賈曉晨上陣，希望玩得盡興！」 

要玩點可以唔預Big4？兄弟幫陣容強勢。

閂埋門狂歡

在娛樂圈人緣甚廣的錢國偉娶老婆，當然要大搞，在洲際筵開58席宴請近百圈中好友，獎門人拉隊到賀，Big4古惑仔等沙煲兄弟亦隨時候命，誓要閂埋門狂歡盡興。

說到婚禮細節，Calinda坦言自己乜都唔知，她說：「我只知Wilson剪了條片當晚播，話要畀個驚喜我，作為新娘子，我只知要準備四套靚衫，其他全交由Wilson負責，其實我好擔心，怕會請漏嘉賓、安排失誤，又驚那些驚喜太爆會受唔住，不過如果真係有甩漏，希望朋友能體諒，姊妹團由江美儀為首，莊思敏、賈曉晨、周家蔚等都講明唔會留手，加埋班天使坐陣，我諗婚宴當晚會玩得好癲。」