【網絡】大家最想張衛健再做咩角色?

* 編按:
其實我覺得唔係回巢，只係返來拍一套而已啦。

日期: 2016年11月20日
來源: 史檔 Facebook

大家最想張衛健再做咩角色?

今日响面書睇到話返咗大陸搵食好多年嘅張衛健，將會回巢大台拍戲。對於响八九十年代追大台電視台嘅香港人嚟講，張衛健加大台呢個組合絕對係集體回憶。响大台第三屆新秀比賽攞到冠軍嘅張衛健，之後响大台拍咗好多套電視劇，有一定知名度但唔算大紅大紫。响1996年佢即係廿年前佢因為拍《西遊記》而人氣急升，但佢要求加薪時就俾大台羞辱，結果就走咗去台灣同大陸發展。廿年後嘅今日，大台出現青黃不接，結果要搵返當年鬧走咗嘅張衛健回巢救亡，真係未開機已經好似拍緊戲咁。

咁多年嚟張衛健都演過唔少角色而得到好評，扮鬼夠盞鬼、扮孫悟空夠俏皮、扮女人又似女人喎。今次佢返大台，唔知大家最想佢再扮啲乜？