來源: 蘋果日報
張衞健希望天主保佑Sammi
許志安的一班「Big Four」兄弟，對好友出軌一直保持沉默。Sammi昨日貼文後，張衞健接受《蘋果》電話訪問，身為天主教徒的他引述《聖經》經文：「破傷的蘆葦，他不折斷；將熄的燈心，他不吹滅，他將忠實地傳布真道。」健仔說：「破傷的蘆葦，我所指係安仔，燈心亦指安仔，「祂不折斷」嘅祂，首先係聖經所講嘅天主，除天主亦代表Sammi，佢可以選擇折斷蘆葦，亦可以選擇扶持蘆葦。燈心都係同一個意思，天主可以選擇吹熄或保護燈心，Sammi同樣可選擇吹熄愛火或維護愛火！」
張衞健希望Sammi與安仔能盡快重拾生活正軌。
健仔續言：「喺佢哋祈禱下，Sammi得到天主賜勇氣、包容，呢樣需要好大嘅勇氣同包容，希望天主保佑所有夫妻活出愛嘅真正意義。」問到有否聯絡安仔？健仔說：「有留言畀佢，理解佢心情，冇期望佢覆我，只留言鼓勵佢，我希望佢哋可以快啲重拾生活正軌。」
梁漢文昨日回覆《蘋果》表示，看了Sammi的文章後很感動：「只有Sammi先可以再為呢件事發言，所以我哋一路都唔回應所有傳媒，今日睇到Sammi呢一段短短嘅文章，覺得好感動，希望大家可以平息呢件事，讓Sammi可以更快投入番佢嘅演唱會。」
沒有留言:
發佈留言