【報紙】趁大減價陪媽媽掃家品

* 編按:
相關影片可以按這裡觀看。

日期: 2019年8月7日
來源: 蘋果日報

【狗仔出更】張衞健做孝順仔 趁大減價陪媽媽掃家品

張衞健侍母至孝，近年刻意減產，為的是多陪伴家人，尤其是80高齡的媽媽。偶爾也會見健仔在IG分享和媽咪食飯、下波子棋等生活日常，日前健仔就被《蘋果》記者發現又做孝順仔，陪媽咪逛商場購物，付款、拎戰利品、揸車接送一手包辦。

張衞健陪媽媽買家品。

兩母子專心揀。

由張衞健埋單。

張衞健拿着戰利品偕母離開。

經過戲院時，兩母子又密斟一輪。

當日下午約4時許，健仔陪媽媽去到又一城商場，二人乘扶手電梯，健仔有時會搭着媽媽膊頭行，畫面好溫馨。二人行入一間家品店，適逢商店大減價，兩母子在店中逗留了很久，張媽媽睇完杯碟又睇衣服鞋襪，開心滿場飛，健仔就全跟實提意見，媽媽揀拖鞋時，他就彎低身翻找尺碼，媽媽睇衫時，他又幫手睇價錢牌，絕非「Hea陪」，最後張媽媽購了花形香薰蠟燭、拖鞋、毛毯和杯具等物品，埋單1,000元有找，當中最貴一件物品也是200元。之後健仔拿着一袋戰利品和媽媽離開店舖，直接行去停車場駕車離開。

============================================================

(來源: 影片截圖)