【報紙】張衞健孖老婆掩護Sammi安仔

日期: 2019年8月1日
來源: 蘋果日報

【狗仔出更】張衞健孖老婆掩護Sammi安仔 分開入閘保持警惕

許志安與黃心穎「安心偷食」事件後，安仔公開向老婆鄭秀文（Sammi）道歉，直認係「壞咗嘅人」，之後Sammi亦選擇原諒安仔。日前Sammi舉行13場紅館個唱，安仔全程撐場，Sammi在尾場時接受訪問，表示會與友人去旅行。

Sammi與安仔外出旅行，據知就是跟「Big Four」好兄弟張衞健兩公婆同行，不過他們就全程小心低調，嘗試避過傳媒追訪。兩pair人今日出發時就分開入閘，大概1點15分，《蘋果》在機場離境大堂南閘的自助閘口見到張衞健與張茜現身，張衞健一身黑衣及戴上黑色冷帽的打扮，而張茜則穿了米色西裝褸及裙的造型。二人選擇在閘口較偏僻的位置入閘，張衞健拎出身份證過閘時，短短的時間都不時東張西望，相當警惕，而相隔大約25分鐘，安仔和Sammi就被本報讀者發現在於一列由另一個離境大堂開出的無人駕駛接駁列車出現，各自入閘後才在登機閘口會合。

兩公婆用自助櫃位入閘。

張衞健全程周圍望，保持警覺性。

張衞健夫婦與Sammi安仔外遊，不過就轉移視線，兩對夫婦分開入閘。

張衞健與安仔識於微時，由華星年代開始已是好兄弟，更與蘇永康、梁漢文組成Big Four開演唱會搵食，早前安仔因「安心偷食」事件而工作叫停，原本與張衞健接了的郵輪騷亦冇得留低，由張衞健獨力頂替完成。