【網絡】 Big 4上台「挑機」

日期: 2012年10月31日
來源: Stars-HK 娛網

草蜢軟硬騷人多勢眾　Big 4上台「挑機」

《草蜢森巴大戰軟硬fans2012演唱會》一連舉行12場，前晚舉行第7場，這次到來捧場的好友有Big 4張衛健、許志安、蘇永康、梁漢文、王菀之、丁子高、趙學宜、周美欣、高海寜及梁烈唯等。Big 4四子在台上自嘲大家歲數加起來有400歲，可以夠資格領取生果金，安仔又指彭羚「好抵鍚」，並要求林海峰請彭羚上台，健仔即見義勇為指在後台見到Sammi，令安仔立刻不敢再說話。

《草蜢森巴大戰軟硬fans2012演唱會》每晚都有不同圈中好友來捧場，前晚難得Big 4四人也抽空到來，在近尾聲Encore環節他們被邀請上台，草蜢、軟硬指梁漢文講過Big 4會贏，林海峰向Big 4「挑機」的說：「實在唔知Big 4贏我哋乜嘢？」於是來一次「挑機」行動，蔡一傑即場提起丹田氣清唱幾句「今晚我靚唔靚」，而林海峰又叫蘇志威和蔡一智撐起他在空中飛跑，蘇志威還打筋斗，他們笑說：「呢啲嘢Big 4係做唔到o既。」草蜢、軟硬指著觀眾席上的Big 4梁漢文說：「你個社團冇得罪我哋，但係你得罪咗我哋，唔知你個社團保唔保你。」Big 4即拉大隊上台，健仔說：「我地上台唔代表係撐梁漢文，只係想問草蜢、軟硬仲收唔收新人，我哋企埋一邊啦，良禽擇木而棲，世泰炎涼呀。」安仔又笑說：「我哋加埋成400幾歲。」蘇永康則說：「呢啲全部老而彌堅，可以攞生果金嚟用吓。」林海峰還看待Big 4為觀眾，在台上由工作人員代拍照留念及送上Ｔ恤。

草蜢、軟硬還送上一首歌給Big 4，原來是唱出安仔的牙刷廣告歌《尖尖尖》。安仔表示很開心今次看見一些老朋友，尤其是看見彭羚，因為以前他們曾經是同一間公司的，繼而要請她上台，可是林海峰卻來不及反應，安仔便笑著自打咀巴。而健仔則插咀說：「乜你玩咁大呀，我喺後台見到鄭秀文呀，兩位阿嫂喺度傾細路呀。」安仔便用手上的Ｔ恤輕打健仔的頭，健仔笑說，這個演唱會他們沒有收錢，所以不講太多，但現場觀眾笑聲已震爆紅館了。