相關廣告片段可以按這裡觀看。
角色 (出場序):
小雲，媽媽，弟弟，爸爸，小小Q，「呢位」小姐，警衛哥哥，屋苑管理員姐姐
(廣告開始)
(小雲第一段自白開始)
(畫面出現一隻哥基犬，配合字幕【張衛健聲演反斗小雲】)
我叫阿雲，「一舊雲」個雲。
(黑底字幕畫面【我叫小雲】)
你可以叫我「雲哥」，或者「大哥雲」，不過大家都叫我小雲。
(黑底字幕畫面【媽媽】)
呢個係我阿媽，佢成日都腰骨痛架，肯定係「駝」我個陣辛苦得濟啦 *註 1*，
所以我而家好乖! 起碼乖過佢先....
(黑底字幕畫面【弟弟】)
佢係我細佬，佢叫我叫佢做龍哥喎，查實我阿媽叫佢做化骨龍。
成日都自己同自己玩架，有咩咁好玩? 可能依D就係，gap囉。
我老豆呀，好出名架，出名漏氣~ *註 2*
(黑底字幕畫面【爸爸】)
佢成日都話送間獨立屋俾我，等我呢個長子可以成家立室，
不過間屋開薘架， *註 3* 都唔知係新設計定係未整好....
我有個鄰居，我叫佢做「撻Q」，
不過佢懶cute咁話自己叫「小小Q」，咁咪小小撻Q囉.... 是但啦~ *註 4*
佢成日話架:
(小雲第一段自白結束)
小小Q旁白: 人生有幾多個廿年吖，食得飽先係最緊要呀!
(室內執拾傢俱畫面)
阿媽: 今日我地自己要 pack 晒D野，晏D有人幫我地 pack 埋D野走架喇，好冇?
細佬: 好!
(小雲第二段自白開始)
「pack晒D野」咩意思呀? jap晒D野我就知即 *註 5*，「pack晒D野」真係....
哎~ 唔理咁多啦，約左肥仔呀!
(小雲第二段自白結束)
(馬路畫面)
小雲: 喂~ 快D呀! 走得快好世界....
插入 (小小Q: 唉，唉呀~ 跟唔到呀~~)
小雲: 走得「麼」冇鼻哥呀! *註 6*
小小Q: 作死你咩~ 泳衣都攞!
(空屋畫面，只剩開薘屋)
小雲: 嘩! 做咩屋企今日咁乾淨，乜都冇晒既?
小小Q: 其實，你有冇諗過佢地搬走左~ 唔要你呢?
小雲: 哼哼 (笑聲)，唔係吓嘩，長子都唔要，邊個繼後香燈呀? *註 7*
(漫畫小雲畫面)
(小雲第三段自白開始)
你都唔好話冇可能喎....
(小雲幻想畫面)
咁我以後咪.... 咪.... 哎呀!
(天旋地轉畫面)
轉~ 天旋地轉.... 好~ 暈~ 咦? 邊個熄燈?
(畫面全黑)
(藍天白雲加大太陽畫面)
嘩~~! 咁光既?! *註 8*
依度.... 依度唔通就係傳說中既天空之鏡? 好呀! 我終於可以遊埠喇!
(「呢位」小姐抱起小雲畫面)
呢.... 呢位.... 呢，呢位.... 嗯，嗯唔好哄咁埋吖我怕醜呀呢位.... *註 9*
(小雲第三段自白結束)
「呢位」小姐:
咦? 小雲! 你醒喇? 幫你問過，都唔知你屋企人搬左去邊喎....
你同小小Q咁friend，你就留係度住住先啦!
(小雲第四段自白開始)
friend還friend，我唔想同佢瞓埋一張牀喎，佢咁肥，我驚佢責死我呀!
仲有呀，你會唔會好似我阿媽咁錫我架?
(小雲第四段自白結束)
(室內畫面，「呢位」小姐繪畫中)
小雲: 呀~~ 靚仔! 真係靚仔! *註 10*
小小Q: 呵~ 欠~ 畫到我悶先至畫你咋!
「呢位」小姐: 好! 搞掂！小雲，睇下似唔似你?
小雲: 講真吖，我七三面靚仔D架! *註 11*
(背景音樂響起)
(播放室外下雨片段)
(插入對白)
「呢位」小姐: 小雲，唔使擔心喎! 雨過天晴，好快就會搵到佢地架喇!
(背景音樂繼續)
(播放「呢位」小姐和屋苑管理員姐姐對話片段)
(插入對白)
小雲: 肥仔! 好似有消息喇喎! *註 12*
(背景音樂繼續)
(播放駕駛車輛片段)
(插入對白)
小雲: 唔知佢地有冇掛住我呢?
(背景音樂繼續，開始漸細)
(獨立屋外，家門畫面)
小雲: 阿爸阿媽龍哥! 我番黎喇! 番黎喇! 番黎喇番黎喇番黎喇~~ 阿媽我好掛住你呀~~ *註 13*
(背景音樂漸細，繼續)
阿媽: 唔該晒你同小小Q....
(插入對白)
「呢位」小姐: 唔使客氣~
阿媽: 照顧左小雲咁耐呀!
(室內畫面)
阿媽: 我地都有貼通告搵你架，但係一路都冇消息，你睇!
小雲: 嘩! 畫到咁梗係冇消息啦!
(背景音樂繼續)
阿爸:小雲，你睇!
小雲: 睇咩呀?
(有屋頂狗屋畫面)
小雲: Oh! 終於有屋頂喇! *註 14* 各位觀眾，my dream house!
(播放dream house插畫片段)
(播放屋苑大環境片段)
(插入旁白)
張衛健: 就係呢一份歸家既喜悅，令呢度四萬個家庭，每一次搬家，都依然住係呢一個家。
(背景音樂完結)
(讀出廣告標語)
張衛健: 雅居樂，樂滿家。 *註 15*
(背景音樂再次響起)
(出字幕)
「小雲搞笑對白」第一段: 工作人員替小小Q戴眼鏡
小雲: 哎~ 算吧啦導演~ 俾乜鬼野眼鏡佢戴吖。
小雲: 睇下佢個衰樣，成個傻X / 蘇永康咁 *註 16*，戴乜都冇用啦....
「小雲搞笑對白」第二段: 「呢位」小姐邊彈結邊唱歌
小雲: 呵~ 欠~ 唔唱好過唱呀，咁鬼難聽! *註 17*
「小雲搞笑對白」第三段: 小小Q在方便中....
小雲: 嘩!食左豬紅呀? 咁黑既! *註 18*
「小雲搞笑對白」第四段: 小雲和小小Q玩耍中
小雲: 喂! 咬還咬，唔好咬頭! 唏! 咬還咬，唔好咬背!
小雲: 唏! 咬還咬，唔好咬腳! 唏! 咬還咬，唔好咬肚!
小小Q: 喂! 咁邊度咬得呀?!
小雲: 即係邊度都唔咬得! *註 19*
「小雲搞笑對白」第五段: 小雲和小小Q在葉下避雨
小雲: 唉~ 真係cheap，雨水都去飲! 茶水阿姐，俾杯咖啡我吖唔該!
「小雲搞笑對白」第六段: 小雲在方便中....
小雲:
喂~ 擰歪面吖! 人地方便緊呀，唔好拍吖! 擰歪面吖!
黎吖! 唔該吖! 哦~ 唔該啦~~ 唏! *註 20*
(小雲和小小Q趴在地上)
小小Q: 啊~ 導演嗌放飯，行先!
(背景音樂完結)
(廣告完結)
有興趣的可以按以下連結:
雅居樂廣告文字稿 - 註解篇
沒有留言:
發佈留言