【報紙】健仔跳甩假髮爆笑

日期: 2012年10月8日
來源: 頭條日報

Big4變光頭版披頭四 健仔跳甩假髮爆笑

Big4四子許志安、蘇永康、張衛健及梁漢文，最近為代言電訊商拍攝新廣告，化身成「光頭披頭四」，向來剃光頭的張衛健反而戴上冬菇頭假髮，拍攝時，健仔因卻跳得太落力而跳甩假髮，令人笑爆嘴。

Big4四子在新廣告中，化身成「光頭披頭四」齊齊夾Band。安仔、蘇永康與梁漢文戴上光頭頭套，反而向來剃光頭的張衛健，卻戴上冬菇頭假髮示人。梁漢文與蘇永康亦試過剃光頭拍戲，至於安仔則對其光頭Look，自言看不慣。自命是光頭靚仔的健仔，則大彈3人的光頭Look核突到嘔。

四人拍攝時，健仔因跳動時動作太大，令冬菇頭假髮亦被他跳甩。在等埋位時，四子發揮貪玩本色，梁漢文與蘇永康竟然大玩舞獅採蕉，由安仔打鼓助慶，令工作人員笑到碌地。