【雜誌】張衞健攞尾彩

日期: 2013年2月21日
來源: 壹週刊，第1198期「同你吟一吟」

張衞健攞尾彩

農曆新年喺紅館開 show嘅 Big 4，尾場撞正情人節，盛傳今年會同許安拉埋嘅 Sammi，雖然都有到，但全程匿埋後台，唔肯露面。

張衞健仲喺情人節當晚現場送花氹老婆。

講多過唱， Big 4四子晚晚互寸互踩，尤其張衞健，場場示範蜈蚣彈，但次次都失敗，搞到俾班兄弟新年流流叫佢「入土為安」，大吉利是！

手翻熱身

發力彈起

有利是收

連做五晚蜈蚣彈，張衞健尾場終於成功彈起，攞到許安手上封萬元大利是。

被推舉負責喺演唱會賣肉嘅張衞健，著住肉色緊身衫上台，仲喺重要部位自動打格，得啖笑。

唔怕衰健仔屢敗屢試。去到尾場，安仔決定開盤，話如果健仔成功彈得起，大家就夾錢俾封大利是佢。

財可通神，張衞健有維他命Q補充體力，果然零舍唔同，威番次。許安蘇康梁炳亦牙齒當金使，三個夾份醒咗封萬元利是俾健仔，鼓勵鼓勵！